प्रथम सहिद लखन सांस्कृतिक संग्रहालय

नेपाल मगर संघले गरी आएका आफ्नै भाषा, भेषभुषा, धर्म, संस्कार, संस्कृतिको पहिचानसँगै मगर आमाको कोखमा जन्म लिई राष्ट्रका लागि अतुलनीय योगदान गरी इतिहास रच्नु हुने हाम्रा अग्रज पुर्खाहरुको खोजी तथा अनुसन्धान गर्ने क्रममा १०४ वर्षे निरंकुश राणा शासनका विरुद्ध आवाज बुलन्द गर्दै प्रजातन्त्र प्राप्तिको आन्दोलनमा सर्वप्रथम आफ्नो ज्यानको आहुति दिनुहुने क्या. लखन थापा मगरलाई प्रथम सहिद घोषणा गरियोस् भनी संघको अगुवाईमा पटक-पटक विभिन्न दवावमूलक कार्यक्रम भयो । फलतः २०५६ सालमा सहिद घोषणा भए तापनि उनी विसं २०७२ असोज ३ गते मात्रै नेपाल सरकारबाट देशको प्रथम सहिद घोषणा गरिए । यद्दपि राज्य उनका बारेमा अध्ययन अनुसन्धान गरी प्रथम सहिदलाई दिइनु पर्ने उचित सम्मानको हकमा अझै मोन र उदासिन छ। त्यसकारण प्रथम सहिद क्या. लखन थापा मगरलाई राष्ट्रिय विभूति घोषणा गराउन, उनको सालिकलाई काठमाडौं स्थित सहिदगेटका साथै देशैभर स्थापित गराउन, उनको बारेमा बृहत्तर खोज, अध्ययन, अनुसन्धान गराउन र उनको बारेमा अध्ययन अनुसन्धान गर्न चाहने विद्वतवर्गका लागि एक निश्चित स्थान निर्माण गर्नुपर्ने आवश्यकता महशुस गरी देशका सबै जिल्ला र प्रदेशमा संग्रहालय भवन निर्माण गर्ने संकल्पसहित नेपाल मगर संघ केन्द्रीय समितिले काठमाडौं उपत्यका भित्र सुविधायुक्त एवं आधुनिक राष्ट्रिय संग्रहालय निर्माण गर्ने ।